Tessera caerulea — commentariolum. Tessera rubicunda — nota textualis. Tessera viridis — translatio.
ACTUS II, SCENA i 
DIAGORAS, COCODRILLUS
DIA. Agedum, singulta, plorabunde, mores ego
Diagoras [
] super
Tuos perquam meditate teneo. Quin tibi
Dico, incensum haud restinxeris, lachrymis
Totus licet extillaveris, caudex, plumbeus.
Tuone aequum est an meo te potius
More vivere? Itane tandem idoneus
Videor quem tua sic incuria deluderes?
Non famulus es sed herifuga circumforaneus.
CO. Semper ego manibus pedibusque omnia
Obnixe facio.
DIA.
CO. Tuo potissimum usui ut inserviam.
DIA. Tace inquam. Istam tibi praetruncari volo
Linguam mendaciloquam. Bene quod fecisti
Tibi fecisti, non mihi. Sed percipe, obsecro,
Quam sis nunc vaniloquus. Dum ex te serio
Quid foribus tam mane cursitans exieris
Quaererem, tu mihi tibicine et pluvia,
Stolide, os oblinis, verbis simul mutilata
Intergarriens, “herus meus herum tuum.”
CO. Hoc unicum vociferans tibicinem protulit.
DIA. Potin’, nugax, ut sileas? Dum peterem insuper
Quid non in domum denuo festinaveras,
Leges, maiores et suspendium ingeminas,
Acsi suspendere memet aequum me censeas.
Et tamen interea tu obnixe manibus
Pedibusque meo semper inservis usui.
Ne malo tuo cum compositis venisti mendaciis, ha.
Quid stas, lapis?
CO.
DIA.
At volare te lapidem volo ipse ubi
Iussero.
CO.
DIA. Tu medicus ut sis? Bubulcitari te satius
Est, bubsequa, aut porcos pascere, cui vitae
Modulus culina est. Rus merum, rus verum,
Rus rure omni infestius.
CO.
DIA. Ego pol te eodem unde ortus es redigam,
Faxo verberibus in materiam primam tui
Fiat resolutio, carnifex.
CO.
Parcas interim materiae secundae.
DIA.
Quam manus aut lingua mihi magis sunt morigera.
CO. Paulum sapienti satis est supplicii.
DIA. Sapienti? Sapis ergo. Quorsum me adeo
Neglectui habes, verbero?
CO.
Ita astro percitus est, tu cum sim apud
Te apud me non sum. Imo vero ubi sim, ibi
Non sim, et ubi non sim ibi vagetur animus.
DIA. Hei! Coniectore haec opus habent Oedipo.
Faciam cum sis apud me apud te sis pariter,
Et ubi sis, sis ibi, asine, et non ubi
Non sis ibi vagetur animus.
CO.
DIA. Ast alii me coquunt mores tui inspidi.
Garrula es et procaci lingua. Ut operam
Ita et linguam servam volo, nescire id
Quod scit sapientem decet.
CO.
DIA. Cave praeterquam quod rogo quicquam mussites.
Cur tibi natura linguam (ut loquar medice)
Tanquam excubiis vallo sepivit dentium
Nisi verborum coercendae petulantiae
Causa? Eloquium hoc ex hoc rape tripode:
Non minor est opportuni laus silentii
Quam vocis tempestivae gloria.
CO.
DIA. Ultimo nolo in posterum vel digitum
Transversum domo excedas.
CO.
DIA. Promittis?
CO.
DIA.
Animo te luculento esse impero,
Quae deliquisti ignosco omnia. Ingenii
Cicuris sum, Cocodrille. Invitus te pro commerita
Castigassem noxia in me, ut te castigem
Invitet amor.
CO.
Merito te tuo colo, adoro, veneror.
DIA. Nosti, Cocodrille, quam sim ad res tuas perspicax?
CO. Imo vero iam Argus es, totus oculeus
Qui oculos etiam geris in occipitio.
DIA. Perdocte cecinit et poetice. Lubet igitur
Quantum medicinae valeas experier.
Qui enim ab infantulo te educaverim,
Licet non natura, doctrina tamen et consiliis
Tibi pater sum.
CO.
De maioribus loquitur.
DIA.
Philosophiae tangamus apicem. Nam ut habet
Aphorismus, ubi desinit philosophus,
Ibi incipit medicus.
CO.
Iactat aphorismus,me pro philosopho
Immerito insimulaveris.
DIA.
CO. Probo, ubi desinit philosophus ibi
Incipit medicus, ipse medicus esse
Incipio, ergo philosophus esse desino
DIA. Cocodrillum ingeniorum prodigium
CO. Incidit in saccum cupiens contundere Bacchum.
DIA. Macte sis, ni me fefellerit augurium,
Medicum praesentisco eruditissimum.
Nam Apollo Aesculapium, Aesculapius
Podalirium, Podalirius Machaonem,
Machaon Hippocratem, Hippocrates Diagoram,
Diagoras Cocodrillum artem edocuit
Medicam.
CO.
Here, Apolloniem ipse pro tibicine,
Non pro medico semper habui.
DIA.
Noli historiarum te imperitum prodere.
Ad medicinam remigremus, quam sit ars medica
Numine digna, vel hoc elucessit maxime,
Quod prius quisque quam diem obeat aegrotare
Necesse habet, et tum medicus consulitur.
CO. Nego, nam qui suspendio vitam finiunt
Aegrotant nullubi.
DIA.
Febricitant inquam mortaliter, inditio est
Quod tremulis suspensi moriuntur pedibus.
CO. Anne vere praedicet experiundum propediem erit.
DIA. Sed enuclees, quouque naturae viribus
Homini absque ope datur vivere medica?
CO. Dum aegrotaverit.
DIA.
Quando se habebit?
CO.
Aut symptomate, in pericranio, in diaphragmate,
In hepatario, in musculosis, in condulis,
Aut in calcaneo laboraverit.
DIA.
Nam Achilles ille calcaneo aeger obiit.
O calamistratum et naris emunitissimae
Medicillum! Perge porro et rei medicae
Pari auspicio salias ad fastigium.
Verum hunc diem sat literis locupletavimus.
Ad reliqua nunc tandem transeamus gnaviter.
Quem detulisti nuncium a tibicine tuo
Ioculo cantantum suspicor. Nam Archophylax
Nudius tertius domi me convenire suae
Fore sibi dixit volupe. Palatium petas
Et quid praeceperit verbis resiscas integris.
CO. Famulo haec mandas tuo famulantissimo.
DIA. Ah, intus interea dum redieris opperiar.
CO. Abeas in rem malam, funge, e sterquilinio
Effosse. Te dii deaeque omnes infaelicitent,
Ut colaphis totum tuber est caput mihi!
Sed cum iam liber sim et linguam volo liberam,
Heluo, cui praeter precium dulce est nihil,
Dure, et malevolenti imbute ingenio,
Faeculente. At limis perquire oculis
Ne garrulis quis adstat auribus, et scapulae
Tuum tibi ingenium culpent postea
Ne musca quidem. O naturae prevarie
Impensas dotes! Stulto medicus quid interest?
Incredibile est quanto herum anteo
Sapientia, rudis est, et cum rudentibus
Stabulandus. Ipse vero, exilis licet
Et gracilis, nil nisi acumen sum. Sed quia
Medicus iam illico emersi, gestus mihi
Vultusque est capiundus novus. Abscedite
A me quibus turgere consuevi antehac,
Gressus stratiotici, pugilici, Mavortii,
Gallinacei, et adeste medicinales,
Sallubres, Apollinei, Aescupalani, Cocodrillini
Vobis in posterum pedes fraenandas praebeo.
ACTUS II, SCENA ii
COCODRILLUS, IOCULUSIOC. Ubi ad forum ventum erit, ad dexteram
In propatulo officina est ferraria,
Ad insigne felis fidicinae. Illic me faber
Catenis onustum dabit grandiusculis.
CO. Ah tibicen?
IOC.
CO. Fa la la, fa la la la. Quin te mala omnia
Eradicent, fatue, probe consultum lumbis fuit
Meis, dum te fugax quasitum egrederer.
IOC. Effare infortunium, mihi pol perdolet.
CO. Medicus sum, nolo iam obducta vulnera
Refricere.
IOC.
CO.
Caput stultiloquum.
IOC.
CO. Tetricas disce horrere cicatrices manus.
IOC. Abstineo, Cocodrille.
CO.
Irruente pluvia delituisti callide?
IOC. Tu Iupiter eras, illam tu creasti pluviam.
CO. Hercle pol divinator es. Ipse eram, at
Maduistin’ satis?
IOC.
Imbrem evasi volucer.
CO.
Interea capiti prospexerunt tuo. Ha ha &c.
IOC. Sed quid iam foris hic otiosus lusitas?
CO. Quid tu foris negotiosus agis, fatue?
IOC. Ad forum profiscor catenas qui domum
Deferam.
CO.
Quem tuis (bubo) catenis vinctum reducere.
Ah bellula multicolor, siccine? Insipida
Haec fraus est, non is sum, Iocule, quem tam facile
Inescare poteris.
IOC.
CO. Maiores sequi meos statum habeo,
Non tamen dum compedibus me irretiam.
Sunt mihi praeterea quae cum hero tuo
Verba politica permagni ponderis conseram.
IOC. Horum profecto nihil mihi mentem subiit.
Si vero (quoniam tu istaec commemoras)
Te mihi ad fabrum comitem praebueris,
Ad herum postea cum verbis te politicis
Ipse ducam libere.
CO.
Remora.
IOC.
CO.
In compitis buccinarier, si comes ivero,
Quibus per plateas te ludis iocularibus
Puerorum turba irriserint, et mihi
Illudent pariter.
IOC.
Pernegabis gnaviter.
CO.
Crediderint, pugni fidem facient protinus.
IOC. Quin animum sustollis igitur?
CO.
Bilance pendeo.
IOC.
Quo lusu dimicabimus. Tu hanc funiculli
Partem unguibus clausiculatim teneas,
Mihi assumam alteram. Si funem manibus
Vi eripueris, ilicit incomitatulus
Recedam illico. Sin tibi praeripuero,
Una ad forum obambulamus.
CO.
Despientis ingenium! Placet, et satis
Te beavero, si tibi comes affuero,
Nam comes facundus pro vehiculo est in via.
IOC. Imo plus satis beaveris, si enim mihi
Vehiculum fueris haud pedibus iter
Fecero.
CO.
IOC. Vale, Cocodrille, incomitem sors ire iubet.
CO. Vale. Quin inquam aegrotare quam sic valere
Mavelim, in iocularium imprudens malum
Incidi. Mane sis dum, verbereum caput,
Non sic valedices, stulte, trivenefice.
IOC. Quid ergo commisi, o mi Cocodrillule?
CO. Festive mihi refricata dedisti vulnera.
IOC. Lacertis illud tuis flagitio detur
Tantis qui valent viribus. Aedepol crede mihi,
Nequivi non laxare prae cruciatu digitos.
CO. Istoccine modo medicum tractari decet?
IOC. Quid medicum?
CO.
Hippocrita et reliqui mihi magistri erant.
Negas?
IOC.
CO. Quinimo Apollini iure aequiparandus
Sum. Negas?
IOC.
CO.
Et sine barba Apollinem similiter
Passim in pariete depictum cernimus. Negas?
IOC. At si Midae nunc tu haererent capiti
Auriculae, Apollinem tibi infensissimum
Qui sic lacessis inditio aurito proderes.
CO. Noli auriculas in tinnitum ciere meas.
IOC. Des obsecro cucullum, doctissime Cocodrille.
CO. Pietio redimas volo, aut iratum iuro
Aesculapium —
IOC.
Tu nosti canere, en qua me captum redimam.
CO. Ha tibicen, ubinam clepsisti, harpax?
IOC.
Sacellanus noster hac me donavit hodie,
Ea demulceri dixit puerulorum rabiem,
Ne me in foro clamoribus obruent,
Adeo vocula est dulciloqua.
CO.
Mi bellule, tu illa me donabis pariter.
IOC. Animo perlubentissimo, ut te duplicem
Reddam Apollinem et medicum et musicum.
CO. Holla Iocule, ubi es? Itan’ me pecus
Derisui habes? Ut aliud ex alio
Malum pullulat! Lepidis at te si vixero
Excarnificabo modis. Oculi quo fugitis
Dilectissimi? Ecquis stipem caeco suppeditet
Pauperculo? Nemo? Hei mihi, pulchre ad pernitiem
Instructus videor, nam tempus proculdubio
Iam adventavit maiores quo invisam meos.
Sed o mihi a superis consultum miserecorditer,
Dum oculis capto mortem non detur cernere.
Si quis tamen deorum est immortalium
Qui generi Cocodrillino magis fuerit
Propitius — Oh ho, salvete reduces, oculi,
Rediistis incolumes. Ah Ioculorum omnium
Nequissime, ubi ubi obviam fuero,
Balista tibi colaphum iaculabitur
Satellitium.
ACTUS II, SCENA iii
COCODRILLUS, SIMULUS, CENTOSIM.
Cento, rem perages, tuae parcas multiloquentiae.
CEN. Est, et non cuncti monosyllaba nota frequentant.
SIM. Probe facies, vereor iam ut surrexerit Prurio.
CEN. Quandoque bonus dormitat Homerus.
CO. Hem, est ubi ulciscar commode.
SIM.
Satana, vae mihi. Satana, hinc te rapias.
CEN. Procul o procul esto, prophane.
CO.
Me oblevit Ioculus, in Satanam si me e Cocodrillo
Abegerit.
SIM.
Expetis? Cur haec supplicii aviditas?
CEN. Quis furor ah demens, quae tanta libido nocendi?
SIM. Quin te inquam ad infernas rape tenebras.
CEN. Hinc fuge, rumpe moras, facilis descensus Averni.
SIM. Ad Styga te referas, nigrique Iovis atria.
CEN. Ite truces animae, patet atri ianua Ditis.
SIM. Ah spectrum Tartareum, ah Phlegetontis incola!
CEN. Ah Coridon, Coridon, sine corpore et ossibus umbra.
CO. Ipse Cocodrillus sum.
SIM.
CEN. Frontis nulla fides, meritas dabis, improbe, poenas.
SIM. Ipsus est Belzebub Cocodrilli larvatus specie.
CO. Belzebub? Non novi hominem.
CEN.
SIM. At fictae sunt crocodili lachrymae, qui illico
Conspecto homine lachrymas sibi elicit
Ut commiserantem devoret.
CO.
Sum Cocodrillus, Diagorae famulus.
SIM.
CO. Diagorae medici in proxima vicina.
SIM. Cocodrillus?
CEN.
SIM. Non soleo, Cento, fidem tam fluxam gerere,
Qui Diabolo iurisiurando licet quaereret
Adeo facile fidem habeam.
CEN.
Credenti nulla procella nocet.
CO.
Simule, noli innocuum ad inferos
Adigere Cocodrillum.
SIM.
CEN. Fare age, nate dea, quae causa indigna serenos
Foedavit vultus? Nigro carbone notaris.
CO. Ioculi haec techna fuit. Is mihi machinam
Pulvere gravidam tormentario tradidit,
Inflare iussit, quam suaviloquium vocavit calamum.
CEN. Ha ha, tu calamos inflare leves, ego dicere versus.
CO. Ut buccas spiritu tumidas in calamum
Exoneravi, pulvere continuo calamus
Mihi oneravit oculos.
SIM.
O me stipitem! Quod numen et mihi pariter
Oculos glaucomate obtenebravit? Meus fuit
Hic calamus. Erigere, Cocodrille.
CEN.
SIM. Vivusne an mortuus prae formidine fuerim
Plane nescio.
CEN.
SIM. Hanc ego machinulam concinnavi, quo Ioculus
Suos in foro sibi afflaret oculos,
Sed quae tibi obstrusit fatuus, tu capias,
Par pari referas volo. Si minus successerit,
Pugnis, fustibus, flagris fallaciam vindices.
Nam probos in via nequiter deludere
Nequam est, et hominis quam perditissimi.
CEN. Tantale, ne dubita, minuet vindicta dolorem.
CO. Faxo non me impune luserit stolidus.
Si ego dignus haec contumelia sum maxime,
At hebes is indignus qui faceret tamen.
Nam ipse medicus sum.
SIM.
CO. Si tu in me istac, Simule venerabilis,
Usus fuisses intemperie, non tam improbo
Forstan tulissem animo, medicus licet siem.
SIM. Quo ergo is indignior, eo tibi ultio
Sit inclementior.
CEN.
CO. Incogitans enim malique nihil suspicans,
Ad vos tendebam sobrius.
SIM.
Moliturus?
CO.
Per nuncium hodie Archophylax imposuit.
SIM. Te ipse instruam sedulius, itineri
Quo parcas tuo.
CEN.
SIM. Ad altissimi gloriam. Captiva fide
Tandem supplicium luet, hunc nobis sanguine
In perpetuum sacrabit diem. Tu herum affatim
Hora postmeridiana tertia pio
Non defuturum officio pro me moneas.
CEN. I nunc et celeres defer mea dicta per auras.
CO. O si una laqueo plectendus esset Ioculus,
Ut inter caelum et terram cum meteoris
Sublimem raperem!
SIM.
Erit ubi et Ioculum ob asperam in nos
Urbanitatem pulchre irretitum dabimus.
Tu tantisper istaec hero mandata nuncies.
CO. Properabo volitans, et prudens referam.
CEN. Quo fugis, ah demens?
CO.
CEN. Vade, vade, cave ne titubes mandataque frangas.
CO. Quin caput frangat oportet qui mihi frangere
Mandata quaeritat. Vos ne titubetis, pedes.
SIM. Animo iam repetamus, Cento, ut facie
Cocodrilli larvata nobus meticulum
Incussit Satanas, et Deo exercituum
Gratias solvamus, quod Satanae praestigiis
Tam strenue illuserimus.
CEN.
Dignas non opis est nostrae.
SIM.
Circumvallati altipotentis parochum
Accersiamus ut super ea qua diem
Hodiernum decet festivitate colere,
Pium sed praecautum ineamus consilium.
CEN. Consilium nobis resque locusque dabit.
SIM. Tu fores interea verberes et evoces
Dum ludum ipse non prophanum excogitavero.
CEN. Tum parere decet iussus cum grata iubentur
Chara Deum soboles. Custos o pauperis horti,
Huc ades, o nimium delecte.
PRURIO
Hominum otiosorum clamor perstrepit?
CEN. O Meliboee, deus nobis haec otia fecit.
PR. Tune, Cento, parochum sic interturbare
Assoles?
CEN.
Tithoni croceum linquens Aurora cubile.
SIM. Prurio, me vide, Exi inquam ocyus.
CEN. Si qua tui Coridonis habet te cura, venito.
SIM. Prurionem sermonis ecce pauperimi
Satis iam diu calleo, sed quod e domo
Tam aegre exeat, istuc nunc primum didici.
CENCEN Haud facile emergunt quorum virtutibus obstat
Res angusta domi.
ACTUS II, SCENA iv
SIMULUS, CENTO, PRURIOPR. Hem me vobis.
CEN.
PR. Perpaucorum homo verborum sum.
SIM.
Imo trium fortassis homo litterarum.
PR. Consilio si quid agendum nitamur propere.
Omnis nimium longa parocho mora est.
CEN. Incipe si quid habes. In me mora non erit ulla.
SIM. Lentius festines Prurio. Pastor es,
Sique sermone adeo es perpauculo,
Quinam tibi oves pascis in curam traditas?
PR. Falleris, Simule. Factis quam verbis magis
Seduli est pastoris pascere. Novi ego
Oves tondere, et ad vivam cutem radere,
Quandoque etiam et deglubere, si forte
Phryxi in arietem incidero, quo aureum
Mihi fulgure vellus sagax reperero.
CEN. Sic vos non vobis vellera fertis oves.
Hic alienus oves custos bis mulget in hora.
SIM. Ni simulat Simulus, probus est pastor Prurio.
Nam oves si oneroso laborent vellere,
Torpescunt subito, morbosque sibi procreant.
CEN. Turpis oves tentat scabies oviumque magistrum.
SIM. Ast nunc quapropter te inquietavimus, verbulis
Paucissimis accipe. Non te fugit, Prurio,
Ad ministrorum nunquam moriturum dedecus
Captivam sic piuscule dialectica
Nescio qua et scholasticis arguntiunculis
In fastidium nos populi impulisse.
PR.
Sed non me denuo funibus in arenam rapies.
SIM. Recte vaticinaris, nam hodie sub vespere
Quod tui est muneris, comitiis intereris
Dum capite trunca cadat.
PR.
Si non insimulas mihi mulsum loqueris.
CEN. Quadrupedante putrem sonitu quatit ungula campum.
SIM. E Phoebi cortina loquor, ac proin hilarem
Hunc, ut par est, agemus diem..
PR.
Geremus morem.
SIM.
Accomodate aures. Peracto prandio,
Dum somno parumper indulserit Archophylax,
Et Ioculus ad fabrum catenis inhiaverit,
Nos bini cum fido nostro Adulantio,
Qui purus putus ministris est amiculus,
Hic ad salturam vestitu non illepido,
Modesti at comedice aderimus. Tu, Prurio,
Qui fidiculae sciens est, cum fidicula
Opitulabere, adeoque omnes ad altissimi
Gloriam cooperabimur.
PR.
Loquelae parcus, sed fidicula perprodigus.
SIM. Anne, Cento, arridet? Aut si quid tu coctius
Cerebro extruderis, depromas illico.
PR. Dulcius ex ipso fonte bibuntur aquae
Aspice venturo laetentur ut omnia seclo.
Olim truncus eram, ficulnus, inultile lignum,
Nunc vos, o lauri, carpam, et vos proxime myrte.
Te facimus, Fortuna, deam, caeloque locamus.
Si Fortuna volet fies de rhetore consul,
Si volet haec eadem fies de consule rhetor.
Hoc tantum in pretio est mediocribus esse poetis,
Orpheus in sylvis, inter delphinas Arion.
Me quoque vatem pastores dicunt, et me fecere poetam
Pierides dulces, dulces ante omnia Musae.
Non me carminibus vincet nec Thracius Orpheus
Nec Linus.
SIM.
CEN. Insanire libet, nihil hic nisi carmina desunt.
Proh superi, quantum mortalia pectora caecae
Noctis habent! O pater anne aliquos ad caelum hinc ire putandum est?
Hinc via Tartarei quae fert Acherontis ad undas.
PR. Simule, phrentide corripitur Cento.
SIM.
Furor est poeticus.
CEN.
Laudabant alii claram Rhodon aut Mytelenem.
Si mihi tercentum donaret Iupiter ora,
Calliope cantanda mihi est, modo dicere possem
Carmina digna dea, certe est dea carmine digna.
PR.
CEN. Barbara pyramidum sileat miracula Memphis.
Per mare, per terras, et quod tegit omnia caelum,
Eloquar invitus, teneros ne tange poetas.
Sunt aliquid manes, laethum non omnia finit.
Ipsi te fontes, ipsa haec arbusta vocabant,
Intonsi montes, ipsae tua carmina rupes.
Versibus incomptis ludunt.
PR.
Infestat spiritus.
CEN.
SIM. Metum excute, paroche, mature medicabor.
CEN. Eripiunt subito nubes caelumque diemque,
Et “longum, formose, vale vale inquit Iola.” Ha ha ha.
SIM. Nate, quis indomitas tantus dolor excitat iras?
CEN. Cynthius aurem vellit et admonuit.
SIM.
Reversus es tandem? Ecquid de iocis cantitas?
CEN. Accipite haec animis laetasque advertite mentes.
Si vox est, canta; si mollia brachia, salta.
SIM. Placent ergo inventa?
CEN.
SIM. Iehovae alleluia, Prurio, vivimus,
Quid moras nectimus? Diei ad umbilicum
Prope accessimus, domum te remigio
Transferas, et singula solerter praeperes.
CEN. Nam fugit interea, fugit irreparabile tempus.
PR. Istoc solertius nihil mandato persequar.
SIM. Ut benignis et succenturiatis oculis
Gregem obtuetur Deus perpusillulum,
Zelotes exercituum dominus! O quanta
Universae emolumenta Dei publicae
Oportunum secum vehet Captiviae exitium!
Principes leonina se loricabunt fortitudine,
Plebs in ovinam mansuescet teneritudinem,
Virgines numerosa faecundabuntur sobole,
Viduae secundis se solabuntur nuptiis,
Orphani apud omnes victum quaerent undique,
Ministri sancto liberius indulgebunt genio.
Ad altissimo gloriam.
CEN. O fortunatos nimium sua si bona norint!
SIM. Sic asperam papistarum spinique horridam
In mollem ad astra concinnabimus viam.
CEN. Omne tulit punctum qui miscuit utile dulce.
ACTUS II, SCENA v
SIMULUS, CENTO, CALLIOCAL. Si quis unquam est qui miserum se et afflictum volet,
Indocto rem suam credat curandam populo.
SIM. Quid hoc portenti est?
CEN.
CAL. Ne ille haud praesentiscit hoc paulum lucri
Quantum ei apportete damni.
SIM.
CAL. Cocodrille, ni meum me aestrium deserat,
Te coctum, elixum, assum, tostum, pistum, frictum dabo,
Id est, legum equuleis te torquebo misere.
SIM. Periculum est ne et iudicem Satanas
Exagitet.
CAL.
CEN.
SIM. Callio, quid te tam male dicacem audio?
CAL. Ha! Nihilne de Cocodrillo percrebuit
Sacreligo, legirupa, pernicie populi?
SIM. Mitte convitia et implicemur gravibus.
CAL. Pandiculans oscitator Cocodrillus.
SIM.
CEN. Orandum est ut sit mens sana in corpore sano.
CAL. Neutiquam vero, nam eius ex insania
Mihi pullulat commodum.
SIM.
Mitte inquam, ad Archophylacem non te hodie
Accivit Ioculus?
CAL.
SIM. Hic est quem ita herus in deliciis habet.
CEN. Quid stulti proprium? Non posse et velle nocere.
SIM. Callio. iuxta nobiscum rem complectere,
Asperrimum te affore speramus iudicem.
Nam (quod perplexe te conscio diu sategimus)
Hodie extremo mortis coercebitur
Captiva supplicio.
CAL.
SIM. Ipsum tibi fundo evangelium.
CAL.
Diei horam?
CEN.
Rerum quaerere, quaesito tempore tutus eris.
SIM. Vergente in occasum die ubi advesperare
Caeperit, tu valide huic incumbas studio,
Nos alia hac de re disquierenda manent.
CEN. Tu decus omne tuis validis incubito remis.
CAL. Sic est. Falsus sum penitus, frustra es, Callio.
Ioculus is erat qui tam matutino strepere
Damnoso in aedes me postulavit fulmine.
Nam Cocodrillus incongrua respondit omnia:
Quanta de spe decidi! Cui enim marsupium
Emunxisse statueram, fatuus cum sit,
Et nihil fatui dolo malo perpetient,
Summum in eum ius summa esset malitia;
Hoc tamen grata me vice beat, propera
Captivae mors. Illico enim uberrimam mihi
Olfacio messem, ministromachiam cano.
In hirundinem abibo protinus famelicam,
Ministrorum strenue ut exugam sanguinem.
Nam fide excissa funditus Catholica
Inter se acrius litigabunt turgidi,
Dum turgidos ipse sacculos exenterem.
Macte, Callio, et Danaes imbrem aurem somnia.